Guarani Translations - Making Communication Easy

Logo iDISC - Making Communication Easy
Guaraní
[Tancar]

 

 

Lengua Guaraní   Mapa Guaraní   Cultura Guaraní   Medios Guaraní   Gastronomía Guaraní   Uso Cotidiano Guaraní   Administración Pública Guaraní   Formulario Guaraní

 

 

GUARANÍ ÑE'Ê

Guarani ñe'ê ningo hína ñe'ê ypy oñeñe'êva Sur America yvýpe, katu ojeiporu mbareteve Paraguái retâme.

Cien arimi ñe'ê oîva ha oiporúva tapichakuéra América yvygua, iñambue tuicha ambue ñe'ê oîva ambue hendápe yvy ape árigui, ko'â ñe'ê ypy apytépe oî guarani ñe'ê.

 

IÑEPYRÛ HA IÑE'ÊHARAKUÉRA 

Ko'agâitéramo, Paraguái hína peteî tetâ iñe'êkôiva, guarani ha castellano iñe'êtee ha oio ipype 7 millones tapicha rupi. Guarani ningo tetâ ñe'êtee 1992 guive, upe mboyve Estado oku'e va'ekue castellano-pe añónte. Ko tenondegua ningo ñe'ê ymave guive ojeiporúva ko tetâme ha hetave tetâygua oñe'êva, amo 38% rupi ijapyteguikuéra oñe'ê guarani añónte, 51% rupi iñe'êkôi ha 7% añónte oñe'ê castella noañoite. Guarani ningo ijehecharamomby ndojojoguái rupi ambue ñe'ê ndive, katu oje'ê oñepyrûhague heta corriente migratoria rupive.

 

Heta ára ha heta mba'e ohasa rire, guarani ñe'ê oikove gueteri, opytávo péicha pe oñemomba'eguasuvéva oheja va'ekue ypykuéra, ha he'e pe omoañete, omopeteî ha ohechaukáva Paraguái reko.

 

Guarani ave oñeñe'ê tetâ ambue rupi, Brasil, Uruguay, Argentina ha Bolivia rupi, ha ko tetâ ipahapeguápe, oî henda guarani ha'eha iñe'ênguéra tee avei. Guarani ñe'ê ojejuhu avei oîha tendakuéra rérape heta tetâme, Venezuela, Colombia, Perú, Chile ha Ecuador umía rupi; upéicha avei oî tembiapo oje'ehápe ñe'ê térâ jehero "Caribe" ouha guarani ñe'êgui, ha añetehápe ha'eha "Karaive".

 

TEKO

Ojehechaháicha, tapichakuéra Paraguái apytépe, hetaiteve oî guarani ñe'êhára. Upéva rehe, opaichagu ahemiandu, taha'e hekoteeepegua, ymave guare térâ hembiapo porâ oikuaauka ko ñe'ê rupive. Ojepurahéi, ojehai ha oñemboguata ambue tembiapo guaraníme, ymaite guive ñoha'ânga oñemboguatáva guaraníme añónte, katu tuicha iñambue upéva oñeñeha'â tupi ojejapo ambue hendárupi ojejapoháicha ha ambue ñe'ême. Ko'ágâ rupi guarâ, ñoha'ânga guaraníme ojehecha umi teatro popular oikohápe añóntema.

 

Paraguái retâme ningo oî heaiteve tapicha imba'ejeroviakuaáva ha omomba'éva heko yma. Upéva ojekuaaporâ ojehechávo tapichakuéra omomba'eguasúva ha mba'éichapa oguerovia gueteri mombe'ugua'u ha mombe'upykuéra, oî rupi katuete tapicha omombe'úva hembiasakue térâ ambue ohasapyre ko'â mba'e rehe, ha umíva katuete oñemombe'u guaraníme. Ojeikuaaporâ, ndaikatumo'âiha oñembojoja Luisô -Hombre lobo guarani rekopegua- rembiasakue oñemombe'úva guaraníme, oñemombe'úva castellano-pegua ndive. Oñemombe'úrô castellano-pe, hasy nunga oñeikûmby haguâ hekoitépe ha ojeguerohory haguâ.

 

MOMARANDUHAKUÉRA

Maymavete nunga momaranduhakuéra omba'apo castellano-pe, radio rehe oñeñe'êtaramo, AM rupive añoite oñehendukuaa 30% guarani jeporu. Prensa rehe oñeñe'êrô, ojehechakuaa sa'imínte kuatia jehaipyre ha ipehênguéra oñeguenohêha guaraníme.

 

Peetî añoite TV ombojurujáva guarani isarambive haguâ -Paraguái TV ko'ágâ- oreko rupi tembiapo oguenohêva guarani ñe'ême. Upéva ojehecharamoiterei tetâyguakuéra apytépe, guarani ha'e rehe ñe'ê ojeiporuvéva tetâ tuichakue.

 

Peteî mba'e tuichaitereíva ko'â ary ohasávape guarani jeiporu momaranduhakuéra ryepýpe, katuete hína ijeroike informática ha tecnología rembiapópe. Web renda, red social, navegador ha internet-pe jeporekahakuéra, omoinge hembiapokuérape hekoitépe ha ojehecharamo haguâicha guarani ñe'ê.

 

TEMBI'UKUÉRA

Paraguáipe, oî opáichagua tembi'u ojeheróva guaraníme. Kóva rehe oñeñe'êvo, guarani oguereko rehe condición onomatopéyica, oipytyvô ojehero haguâ heta hi'upy, chipa, chicharô, huitî, pajagua, kaguyjy ha ambueve. Upéicha avei, heta mba'e ñembojukue ojehero guaraníme, opupu, ochyryry, mbichy, hesy, ka'ê ha ambueve.

 

2010 ary guive, Léi 4052 Ñe'ênguéra rehegua oñemoneî rire, ha oñemoñepyrû rire Paraguái Ñe'ênguéra Sâmbyhyha ha Guarani Ñe'ê Rerekuapavê, ñe'ê ojeiporu hetavéva Paraguái retâme, oike mbeguekatu Estado rembiapópe, oñemohendávo añetehápe ha'ehaichaite, ñe'ê tee háicha castellano ykére.

 

IJEPORU KO'Ê KO'ÊRE

Paraguaiguakuéra oiporu akói oñomongeta haguâ ojoapytépe guarani ñe'ê. Tape, mbo'ehao, tupâo ogapy ha oimeraê ambue henda ojeikoha ojoapyte rupi, katuete oî guarani; tapicha ojojuhúvo, ndohasareichéne oñehendu'ÿre peteî "mba'eteko" térâ peteî "mba'éichapa", jepéramo â tapicha ndojoikuaái.

 

Paraguái rembiasápe, guarani ñe'ê ojeguereko va'ekue tetâ pysyrôháraramo, umi ñorâirô guasu ohsa va'ekue ko tetâme oñesê rupi tenonde oñeñe'êvo guaraníme, ha'e rehe avei kóva peteî mba'e omboheko ha omopeteîva tetâ. Upéicha avei ko'ágâ rupi, Paraguái fútbol ra'âha térâ ambue ñoa'â atýpe oñembohovái jave tetâ ambuegua, ojeiporu guarani ñe'ê oñesêkuaave haguâ tenonde.

 

TETÂ REKUÁI REMBIAPO

Paraguái retâme, Estado akói omba'apo castellano-pe, ha omboyke guarani. Tetâ rekuái kuatia akóinte ojehaíva castellano-pe ha araka'eve guaraníme, jepéramo umi guarani ñe'êharakuéra noikûmbymo'âi.

 

Tetâ rekombe'e akói oñemboguatáva castellano-pe ha guaranígui oiko reire tetâ ñe'ê tee añoite, oñemoinge mbo'ehaoháre ñe'ê oñembo'évaramo ha nahániri ñe'ê oñeporombo'e haguâ, upéicha avei mbo'ehao vusuháre.

 

 

iDISC oikuave'ê ñe'ênguéra ñembohasa guaraníme.

Eikuaave haguâ eñemomarandumi ore ndive.


  •  Amoñe'ê ha amoneî umi condición legal 
  • * Katuete oñemyanyhê va'erâ

Web: www.idisc.com | Correo electrónico: info@idisc.com | Pumbyry: (+34) 93 778 73 00


Información básica sobre protección de datos

 

Responsable:

IDISC INFORMATION TECHNOLOGIES, S.L.

privacy@idisc.com

 

Finalidad:

Gestión de tu solicitud.

Envío de información sobre nuestros productos y servicios.

 

Legitimación:

Cumplimiento de tu solicitud de información.

Tu consentimiento expresado al enviar este formulario.

 

Destinatarios:

Tus datos no serán cedidos a terceros sin tu consentimiento previo y explícito, salvo obligación legal.

 

Derechos:

Puedes acceder, rectificar o suprimir los datos, así como ejercer los derechos que se mencionan en nuestra Política de Privacidad.

 

Más información:

Consulta la Política de Privacidad.


ISO-9001 | ISO-17100Tetâ Viru Mohendapy Motenondeha
OrerapykuehoFacebookTwitterLinkedInYoutube
© 2019 iDISC Information Technologies, S.L. | Oñeñangareko Mayma Derecho rehe | Passeig del Progrés, 96 - 08640 Olesa de Montserrat (Barcelona) | Tel. (+34) 93 778 73 00